සුදු ආල මල

   

                                 ...සුදු ආල මල...

දින සති ගෙවී

යනෙනා නමුත් මද පවන සේ

මතකයේ දෙයැස තුළ

එක් දිනක් හෝ

නොපෙනී නොගියේ ය

මනබැදි ඔබේ මතක රුව

නොදුටුව ද හුඟ කලක සිට

දිනපතා සිහිවේය

ඔබේ ගුණ සුවඳ කඳ

මඟතොටේ නෙතු ගැටෙන

ඔබ ගතට සරි රුවක්

දුටු විගස සිහිවන්නෙ

මනබැන්ද ඔබය ප්‍රිය

ඔබෙ යහළුකැළ අතර

සෙවුවේය ඔය රුව ම

මඟ බලා මාගෙනෙතු

නොදුටුව ද ඔබේ රුව

නැත වෛර කනස්සලු

ඇති වූයේ කිසිදිනක,

දිනෙන් දින පූදිනා

සුදු ආල මල මිසක..

                

                         චලා හේරත් ...🖊️